Obxectivos específicos de aprendizaxe
Adquirir unha formación teórica de carácter multidisciplinar e comprender os fundamentos teóricos-prácticos relacionados cos ámbitos de diversidade, con énfase nas necesidades educativas especiais, interculturalismo, compensación de desigualdades, sexo/xénero e educación de persoas adultas.
Establecer contacto directo con experiencias innovadoras relacionadas coa diversidade, valorando o seu interese e as posibilidades de ser transferidas a outros contextos profesionais semellantes, así como de ser aplicables a situacións novas e emerxentes
Favorecer a adquisición dos coñecementos e destrezas axeitadas para o deseño, posta en práctica e avaliación de propostas de intervención no ámbito da diversidade, ofrecendo novas iniciativas na resolución dos problemas
Adquirir un compromiso ético no desenvolvemento da profesión, especialmente no referido ao apoio dos colectivos e sectores sociais discriminados e menos favorecidos
O obxectivo xeral do Master e mellorar as competencias dos titulados e profesionais educativos relacionadas de modo específico coa atención a diversidade orixinada por capacidades personais, xénero, idade, sistemas lingüísticos e culturais, así como, situacións socioeconómicas diferentes.

As competencias xerais e específicas propias do ámbito académico-profesional do máster deberán ser desenvolvidas a través do conxunto das materias. Deberán adaptarse aos requirimentos de cada un dos módulos e ás competencias transversais comparti  das por distintas ocupacións ou ámbitos de coñecemento, tal e como recomenda o informe Tuning. Ao finalizar o máster os estudantes serán capaces de:

Comprender os principios básicos dos grandes ámbitos da diversidade dende unha perspectiva multidisciplinar
Adquirir habilidades básicas de deseño, aplicación e avaliación de propostas de intervención dirixidas a traballar coa diversidade, valorando especialmente as aportacións innovadoras
Adquirir instrumentos conceptuais e metodolóxicos que faciliten a análise e reflexión sobre as prácticas profesionais relacionadas co tratamento da diversidade, en especial de aquelas que posúen un alto grao de innovación
Realizar estudos sistemáticos, sobre todo os que impliquen melloras de prácticas educativas, sendo capaz de difundilos con claridade a diverso tipos de audiencias
Elaborar materiais específicos para traballar coa diversidade, valorando, na medida das posibilidades, a súa aplicación na práctica
Utilizar as novas tecnoloxías en diferentes contextos: formativos, de investigación, de aplicación profesional, para difundir y compartir ideas, etc.
Dominar diferentes estratexias metodolóxicas co propósito de mellorar as condutas profesionais e facilitar a aprendizaxe autónoma, a través do emprego de recursos como os contratos de aprendizaxe, a aprendizaxe baseada en problemas ou o uso de portafolios.
Coñecer a lexislación básica referida á diversidade nos contextos educativos e socio-educativos, analizando a súa implicación no exercicio profesional
Identificar os servizos de apoio escolares e socio-comunitarios que poden ser de utilidade no ámbito da diversidade